Bidegabekerien lekuko

Lotsa, mina,
Desorekaren samina
Mundu berdina
Bizimodu desberdinak.

Ikasketak, nekea,
Ene eguneroko bermea
Hamaika ardura
Datozkit burura

Lotsa, ordea,
Gogor daukat bueltaka
Ene pentsamenduan marmarka.
Lotsa,
Ikasteko aukera izan dudalako,
duin bizitzeko parada eman zaidalako


Lan, lan, lan,
ba al dakigu zer den benetan lan egitea,
orduak eta orduak horretan aritzea?

Nahi duena
Kexa dadila,
Ahoa ireki dadila,
Baina nik behintzat
Ezpainak josiko ditut,
Lotsaren orratzaz,
Gogor itsats daitezen
Ixilik gera daitezen

Photographer: Disgustipado